Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ҮНЭНИЙГ ХЭРЭГЖҮҮЛДЭГГҮЙ ХҮМҮҮСТ ӨГӨХ САНУУЛГА

Ах эгч нарын дунд өөрсдийн сөрөг байдлыг үргэлжид гаргагчид нь Сатаны боолууд ба тэд чуулганыг үймүүлдэг. Энэ хүмүүс нэг л өдөр хөөгдөн, таягдуулах учиртай. Хүмүүс Бурханд итгэхдээ Бурханыг хүндлэх сэтгэлийг дотроо тээдэггүй бол, бас Бурханд дуулгавартай зүрх сэтгэлгүй бол Бурханы төлөө ямар ч ажил хийж чадахгүйгээр үл барам, харин ч эсрэгээрээ Бурханы ажлыг үймүүлэн, Бурханыг эсэргүүцдэг хүмүүс болно. Бурханд итгэдэг хүн нь Бурханд дуулгавартай байж, Бурханыг хүндлэлгүй, харин ч Түүнийг эсэргүүцдэг бол энэ нь итгэгчийн хувьд асар том гутамшиг юм. Итгэгчийн үг хэл, үйл хөдлөл ямагт хайхрамжгүй агаад үл итгэгчийн адил задгай байвал тэрхүү итгэгч нь үл итгэгчээс хавь илүү ёрын муу юм; тэд бол жинхэнэ чөтгөр. Чуулган дотор хорон яриагаа дэгдээдэг хүмүүс, ах эгч нарын дундах хов живийг тараагч, зөрчлийг өдөөгч, талцуулагч хүмүүс чуулганаас хөөгдсөн байх ёстой. Гэвч одоо Бурханы ажлын өөр эрин үе тул эдгээр хүмүүс хязгаарлалтад орсон байгаа, учир нь тэд таягдалтын бай болох хувь төөрөгтэй юм. Сатаны завхруулсан хүмүүс бүгд ялзарсан зан чанартай байдаг. Гэвч зарим хүн зөвхөн ялзарсан зан чанартай байхад, үүнээс өөр хүмүүс гэж бий. Тэд ялзарсан сатанлаг зан чанартайгаар зогсохгүй, уг чанар нь ч туйлын хорлонтой байдаг. Ийм хүмүүсийн хийдэг, хэлдэг бүхэн ялзарсан сатанлаг зан чанарыг нь илэрхийлдгээр үл барам, тэд өөрсдөө жинхэнэ диавол Сатан байдаг. Тэд Бурханы ажилд саад болж, үймүүлэх, ах эгч нарын амийн оролтыг үймүүлж, чуулганы хэвийн амьдралыг сүйрүүлэхээс өөр зүйл хийдэггүй. Хонины арьс нөмөрсөн эдгээр чоно эрт орой хэзээ нэгэн цагт цэвэрлэгдэх учиртай ба Сатаны эдгээр боолд өршөөл энэрэлгүй хандах ёстой; тэдэнд хаяж гээх хандлагаар хандах хэрэгтэй. Ингэснээр л хүн Бурханы талд зогсож чадна, ингэж чадаагүй хүмүүс Сатантай хуйвалдаж байгаа хэрэг юм. Бурханд чин үнэнчээр итгэдэг хүмүүсийн зүрх сэтгэлд Бурхан үргэлж байдаг ба тэд дотроо Бурханыг хүндлэх, Бурханыг хайрлах зүрх сэтгэлийг үргэлж тээдэг. Бурханд итгэдэг хүмүүс аливаа зүйлийг хашир, хянуур сэтгэлээр хийх нь зүйтэй ба хийдэг бүхэн нь Бурханы шаардлагад нийцтэй, Бурханы зүрх сэтгэлийг хангалуун байлгах чадвартай байх хэрэгтэй. Тэд дур зоргоороо байж, хүссэн болгоноо хийх ёсгүй; энэ нь ариун хүний ёс журамт байдалд нийцэхгүй. Хүмүүс Бурханы туг далбааг намируулан, энд тэндгүй ухаан солиотой мэт аашилж, газар сайгүй пээдгэнэж, хууран мэхэлж болохгүй; ингэх нь хамгийн тэрслүү зан авир юм. Гэр бүлд дүрэм журам, улс үндэстэнд хууль цааз гэж бий, тэгвэл Бурханы гэрт үүнээс илүү хатуу стандарт байхгүй гэж үү? Бүр их захиргааны зарлиг байдаг бус уу? Хүмүүс юу хүссэнээ хийх эрхтэй, гэвч Бурханы захиргааны зарлигийг хүссэнээрээ өөрчилж болохгүй. Бурхан бол Өөрийг нь уурлуулахыг хүмүүст зөвшөөрдөггүй Бурхан, Бурхан бол хүмүүсийг үхүүлдэг Бурхан юм—хүмүүс үүнийг хэзээний мэдэх бус уу?

Чуулган бүрд чуулганыг үймүүлдэг хүмүүс, Бурханы ажилд саад болдог хүмүүс гэж бий. Энэ хүмүүс бүгд Бурханы гэр бүл дотор дүр эсгэж яваа Сатан юм. Ийм хүн дүр эсгэхдээ онцгой сайн байдаг, тэд Миний өмнө хүндэтгэлтэйгээр ирж, толгой дохин бөхөлзөж, хамуурсан нохой шиг авирлаж, хувийн зорилгодоо хүрэхийн төлөө “бүхэн”-ээ зориулан, гэхдээ муу муухай дүр төрхөө ах эгч нарын өмнө харуулдаг, тэд үнэнийг хэрэгжүүлж байгаа хүнийг харахаараа дайрч давшлан, гадуурхах ба өөрсдөөсөө илүү аймшигт нэгнийг харахаараа долигонож зусардан, чуулган дотор дураараа дургигч шиг аашилдаг. Ихэнх чуулган дотор иймэрхүү “нутгийн хорлонт могой”, иймэрхүү “уяаны нохой” бий гэж хэлж болно. Тэд хамтдаа гэтэцгээж, нэгэн рүүгээ ирмэн, сэмхэн дохилцох ба хэн нь ч үнэнийг хэрэгжүүлдэггүй. Хамгийн хорт нэгэн нь “ахлагч чөтгөр” ба хамгийн нэр хүндтэй нь тэднийг удирдаж, туг далбаагаа өндөрт байлгана. Энэ хүмүүс чуулган дотор эрээ цээргүй аашилж, сөрөг хандлагаа тарааж, үхлийг чөлөөлж, дураараа дургиж, юу дуртайгаа хэлнэ, сатанлаг зан чанараар дүүрсэн тэднийг хэн ч зогсоож зүрхэлдэггүй. Тэд үймээн тарьж эхлэнгүүт үхлийн уур амьсгал чуулганд нэвтрэн ордог. Чуулганыг үймүүлж, үхэл тараадаг хүмүүс чуулган дотор зоргоороо аашилж байхад чуулганы доторх үнэнийг хэрэгжүүлдэг хүмүүс хаягдаж, хүчин чадавхдаа хүрч чаддаггүй. Түүгээр үл барам, ихэнх хүн тэднийг дагадаг. Ийм чуулган гагцхүү Сатаны хяналтад байдаг бөгөөд диавол тэдний хаан юм. Хэрэв чуулганы хүмүүс босож, эдгээр ахлагч чөтгөрийг хөөн зайлуулахгүй бол өөрсдөө ч мөн эрт орой хэзээ нэгэн цагт сүйрэх болно. Ийм чуулганы эсрэг одоогоос эхлэн арга хэмжээ авах ёстой. Үнэнийг бага зэрэг хэрэгжүүлэх чадвартай хүмүүс эрэл хайгуул хийхгүй бол, тэр чуулган хориглогдох болно. Чуулганд үнэнийг хэрэгжүүлэх хүсэлтэй нэг ч хүн үгүй, Бурханы гэрчлэлд зогсож чадах хэн ч байхгүй бол тэр чуулганыг нэг мөсөн тусгаарлаж, бусад чуулгантай тогтоосон холбоог нь таслах ёстой. Үүнийг үхлийг булшилж, Сатаныг хөөн зайлуулах гэж нэрлэдэг. Хэрэв чуулган дотор нутгийн хэд хэдэн хорлогч могой, мөн тэднийг дагадаг, ямар ч ялган таних чадваргүй зарим нэг жижиг ялаа байгаа бол, хэрэв чуулганы тэр хүмүүс үнэнийг харсныхаа дараа ч тэдгээр могойн хүлээс, арга залиас салж чадахгүй байгаа бол тэр мунхгууд эцэстээ таягдуулах болно. Эдгээр жижиг ялаа ямар нэгэн аймшигтай зүйл хийгээгүй байж болох ч, тэд бүр ч илүү зальхай, бүр ч илүү арга мэхтэй, булзамхай байдаг бөгөөд ийм хүн бүр таягдуулах болно. Нэг ч хүнийг үлдээхгүй! Сатанд харьяалагддаг хүмүүс Сатан руу буцах бол Бурханд харьяалагддаг хүмүүс үнэний эрэлд гарцаагүй явна; үүнийг тэдний уг чанар тодорхойлдог. Сатаныг дагадаг хүмүүс устаг! Энэ хүмүүст өрөвч сэтгэл огт үзүүлэхгүй. Үнэнийг эрдэг хүмүүс хангалт хүртэж, зүрх сэтгэлээ ханатал Бурханы үгэнд баясаг. Бурхан бол зөвт; хүмүүст Тэр шударга бус ханддаггүй. Хэрэв чи диавол бол үнэнийг хэрэгжүүлэх чадваргүй байх болно. Хэрэв чи үнэнийг хайдаг нэгэн бол Сатанд олзлогдохгүй нь лавтай—энэ ямар ч эргэлзээгүй.

Ахиж дэвшихийг эрэлхийлдэггүй хүмүүс бусдыг өөр шигээ сөрөг ба хойрго байгаасай гэж үргэлж хүсдэг, үнэнийг хэрэгжүүлдэггүй хүмүүс үнэнийг хэрэгжүүлдэг хүмүүст атаархдаг. Үнэнийг хэрэгжүүлдэггүй хүмүүс будилуу, ялган таних чадвараар дутмаг хүмүүсийг хуурч мэхлэхийг үргэлж хүсдэг. Энэ хүмүүсийн гаргадаг зүйлс нь чамайг доройтох, хөл алдах, хэвийн бус төлөвтэй болох, дотроо харанхуйгаар дүүрэхэд хүргэх болно; тэд чамайг Бурханаас холдуулж, махан биеэ энхрийлэгч, тав тухаа хангагч болгодог. Үнэнийг хайрладаггүй, Бурхантай үргэлж ёс төдий харьцаж байгаа хүмүүс өөрийгөө таниагүй байдаг ба тэдний зан чанар нь хүмүүсийг нүгэл үйлдэх, Бурханыг эсэргүүцэхэд уруу татдаг. Тэд үнэнийг хэрэгжүүлдэггүй, бусдад ч хэрэгжүүлэхийг зөвшөөрдөггүй. Тэд нүглийг нандигнадаг ба өөрсдийгөө жигшинэ гэж байдаггүй. Тэд өөрсдийгөө мэддэггүй ба бусдын өөрсдийгөө танин мэдэхийг болиулж, үнэний төлөө тэмүүлэхийг нь зогсоодог. Тэдний мэхэлдэг хүмүүс гэрлийг харж чадалгүй харанхуйд унадаг; тэд өөрсдийгөө мэддэггүй, үнэний талаар мэдлэггүй байж, Бурханаас улам бүр холддог. Тэд үнэнийг хэрэгжүүлдэггүй ба бусдын үнэнийг хэрэгжүүлэхийг болиулж, тэр мунхаг хүмүүсийг өөрсдийн өмнө авчирдаг. Тэд Бурханд итгэдэг гэж хэлэхийн оронд өвөг дээдэстээ итгэдэг гэдгийг, өөрсдийнх нь итгэдэг зүйл бол зүрх сэтгэлд нь байгаа шүтээнүүд гэдгийг хэлбэл дээр сэн. Бурханыг дагадаг гэцгээдэг хүмүүсийн хувьд нүдээ нээгээд, яг хэнд итгэдгээ сайн харсан нь дээр: Итгэдэг зүйл чинь үнэхээр Бурхан мөн үү, эсвэл Сатан уу? Хэрэв чиний итгэдэг зүйл Бурхан биш, харин өөрийн чинь шүтээнүүд гэдгийг мэдэж байгаа бол өөрийгөө итгэгч гэж хэлэхгүй байсан нь дээр. Хэрэв чи хэнд итгэдгээ үнэхээр мэдэхгүй байгаа бол мөн л өөрийгөө итгэгч гэж хэлэхгүй байсан нь дээр. Тийнхүү хэлэх нь доромжлол болно! Хэн ч чамайг Бурханд итгэ гэж хүчлээгүй байна. Та нар Надад итгэдэг гэж бүү хэл, учир нь энэ үгийг Би хэдийнээ хангалттай их сонссон бөгөөд дахин сонсохыг хүсэхгүй байна, учир нь та нарын итгэдэг зүйл бол зүрх сэтгэлийн чинь доторх шүтээнүүд, мөн та нарын дундах нутгийн хорт могойнууд юм. Үнэнийг сонсох үедээ толгойгоо сэгсэрдэг ба үхлийн талаарх яриа сонсохдоо учиргүй мишээдэг хүмүүс бол Сатаны үр сад ба бүгд таягдалтын бай юм. Чуулганд ялган таних чадваргүй олон хүн бий, тэд хуурмаг ямар нэгэн зүйл болоход зүгээр л Сатаны талд зогсдог. Тэднийг Сатаны боол гэж нэрлэхэд маш их хэлмэгдсэн мэт тэдэнд санагддаг. Тэднийг ялган таних чадваргүй гэж хэлж магад, гэхдээ тэд үргэлжид үнэн үгүй талд зогсдог. Тэд үнэний талд зогссон шийдвэрлэх үе нэг ч байхгүй, үнэний төлөө босож, маргаж байсан үе гэж нэг ч байхгүй, тэгэхээр тэд үнэхээр ялган таних чадваргүй гэж үү? Тэд яагаад үргэлж Сатаны талд зогсдог юм бэ? Яагаад тэд хэзээ ч үнэний төлөө шулуун шударга, үндэслэлтэй нэг ч болтугай үг хэлдэггүй юм бэ? Энэ нөхцөл байдал үнэхээр тэдний агшин зуурын төөрөгдлөөс үүссэн хэрэг үү? Хүний ялган таних чадвар хэдий чинээ бага байна, үнэний талд зогсох чадвар нь төдий чинээ бага байдаг. Энэ юуг харуулдаг вэ? Ялган таних чадваргүй хүмүүс ёрын мууд хайртай гэдгийг харуулдаг бус уу? Ялган таних чадваргүй хүмүүс Сатаны үнэнч үр сад гэдгийг харуулдаг бус уу? Яагаад тэд үргэлж Сатаны талд зогсож, түүнтэй адил хэлээр ярьж чаддаг юм бэ? Тэд ямар нэг байдлаар үнэнийг хайрлагч бус, харин ч үнэнийг жигшдэг хүмүүс гэдгийг үг үйлдэл бүхэн нь, мөн илэрхийллүүд нь хангалттай нотолдог. Тэд Сатаны талд зогсож чаддаг нь Сатан өөрийнх нь төлөө бүхий л амьдралынхаа туршид тэмцэгч эдгээр өчүүхэн диаволд үнэхээр хайртай гэдгийн хангалттай нотолгоо юм. Энэ бүх баримт дэндүү тодорхой байх бус уу? Хэрэв чи үнэхээр үнэнийг хайрладаг хүн мөн юм бол яагаад үнэнийг хэрэгжүүлдэг хүмүүсийг хүндэлж чаддаггүй юм бэ, яагаад дүр төрх нь жаахан өөрчлөгдөх төдийд үнэнийг хэрэгжүүлдэггүй хүмүүсийг тэр дороо дагадаг юм бэ? Энэ ямар гээчийн асуудал вэ? Чамд ялган таних чадвар байгаа эсэх Надад хамаагүй, хэчнээн их төлөөс төлсөн чинь Надад хамаагүй, хэчнээн их хүчтэй чинь Надад хамаагүй, нутгийн хорлогч могой байна уу, эсвэл туг барьсан удирдагч байна уу, Надад хамаагүй. Хүч чинь агуу их байвал Сатаны хүч чадал л тусалсных; нэр хүнд чинь өндөр байвал эргэн тойронд чинь үнэнийг хэрэгжүүлдэггүй хүн дэндүү олон байгаагийнх; хэрэв чи хөөгдөөгүй байгаа бол одоо хөөн зайлуулах ажлын цаг үе болоогүй, таягдалтын ажилд зориулсан цаг үе байгаагийнх юм. Чамайг одоо хөөх гэж яарахгүй. Би чамайг шийтгэхийн тулд таягдуулсны чинь дараах тэр өдөр ирэхийг л хүлээх хэрэгтэй. Үнэнийг хэрэгжүүлдэггүй хэн бүхэн таягдуулах болно!

Бурханд чин сэтгэлээсээ итгэдэг хүмүүс бол Бурханы үгийг хэрэгжүүлэх хүсэлтэй хүмүүс, бас үнэнийг хэрэгжүүлэх хүсэлтэй хүмүүс юм. Бурханы гэрчлэлд үнэнхүү зогсож чадах хүмүүс нь мөн Түүний үгийг хэрэгжүүлэх хүсэлтэй хүмүүс, бас үнэний талд чин сэтгэлээсээ зогсож чадах хүмүүс юм. Заль мэх хэрэглэж, , шударга бусыг үйлддэг хүмүүс нь бүгд үнэн байхгүй хүмүүс ба бүгдээрээ Бурханд шившиг авчирдаг. Чуулган дахь хэрүүл маргаанд үүсгэдэг хүмүүс нь Сатаны боолууд ба Сатаны биелэл юм. Ийм хүн дэндүү хорлонтой байдаг. Ялган таних чадваргүй, үнэний талд зогсох чадваргүй хүмүүс бүгд хорон муу санаа зорилго өвөрлөж, үнэнийг булингартуулдаг. Энэ хүмүүс Сатаны бүр ч нийтлэг төлөөлөл юм; тэд золин авралыг хүртэхгүй ба хэлэх ч юмгүйгээр бүгд таягдалтын бай болно. Үнэнийг хэрэгжүүлдэггүй хүмүүст Бурханы гэр бүлд үлдэхийг зөвшөөрөх ёсгүй, чуулганыг санаатайгаар сүйтгэгчдэд ч мөн ялгаагүй. Гэвч одоо бол хөөн зайлуулах ажлыг хийх цаг нь биш. Тэд эцэстээ зүгээр л илчлэгдэн, таягдуулах болно. Үүнээс өөр хэрэгцээгүй нэмэлт ажлыг энэ хүмүүст хийхгүй; Сатанд харьяалагддаг хүмүүс үнэний талд зогсох чадваргүй бол үнэнийг хайдаг хүмүүс үнэний талд зогсож чаддаг. Үнэнийг хэрэгжүүлдэггүй хүмүүс үнэний замыг сонсоход болон үнэнд гэрчлэл хийхэд тэнцэхгүй. Үнэн бол үндсэндээ тэдний чихэнд зориулагдаагүй, харин хэрэгжүүлдэг хүмүүсийн чихэнд зориулж хэлдэг зүйл юм. Хүн бүрийн төгсгөл илчлэгдэхээс өмнө чуулганыг үймүүлж, ажилд саад хийдэг хүмүүсийг эхлээд нэг талд үлдээх болно. Ажил дуусмагц энэ хүмүүсийг таягдан хаяхаасаа өмнө нэг нэгээр нь илчлэх болно. Үнэнээр хангах үеэр одоохондоо тэдэнд анхаарал ер хандуулахгүй. Үнэн бүхэлдээ хүмүүст илчлэгдэх үед энэ хүмүүсийг таягдан хаях хэрэгтэй, учир нь тэр үе нь мөн бүх хүн төрлийнхөө дагуу ангилагддаг цаг үе байх болно. Ялган таних чадваргүй хүмүүс ялихгүй овсгоо самбаанаасаа болж ёрын муу хүмүүсийн гарт сүйрэх ба ёрын муу хүмүүсээр удирдуулан төөрөлдөж, эргэн ирж чадахгүй байх болно. Энэ хүмүүс үнэнийг хайрладаггүй, үнэний талд зогсох чадваргүй, муу хүмүүсийг дагаж, муу хүмүүсийн талд зогсдог, муу хүмүүстэй сүлбэлдэж, Бурханыг эсэргүүцдэг учраас тэднийг энэ маягаар зохицуулах нь зүйтэй. Тэр муу хүмүүс ёрын мууг цацраана гэдгийг тэд маш сайн мэддэг, гэвч тэд зүрх сэтгэлээ чангалан тэднийг дагаж, үнэний эсрэг хөдөлдөг. Үнэнийг хэрэгжүүлдэггүй мөртөө хөнөөлтэй, ой гутам зүйлсийг хийгч энэ хүмүүс бүгд ёрын мууг үйлдэж байгаа хэрэг бус уу? Тэдний дунд өөрсдийгөө хаан гэж нэрийдсэн хүмүүс, мөн араас сажилдаг хүмүүс байгаа хэдий ч тэдний Бурханыг эсэргүүцэх уг чанар нь бүгд адил бус уу? Бурхан өөрсдийг нь авардаггүй гэж хэлэх ямар шалтаг тэдэнд байх вэ? Бурханыг зөвт бус гэж хэлэх ямар шалтаг тэдэнд байх вэ? Тэднийг нь өөрсдийнх нь ёрын муу байдал сүйрүүлэхгүй гэж үү? Өөрсдийнх нь тэрслүү байдал там руу чирэхгүй гэж үү? Үнэнийг хэрэгжүүлдэг хүмүүс эцсийн дүнд үнэнээр дамжуулан аврагдаж, төгс болгуулах болно. Үнэнийг хэрэгжүүлдэггүй хүмүүс эцсийн дүнд үнэнээр дамжуулан сүйрлийг дуудах болно. Эдгээр нь үнэнийг хэрэгжүүлдэг ба хэрэгжүүлдэггүй хүмүүсийг хүлээж байдаг төгсгөл юм. Би үнэнийг хэрэгжүүлэх төлөвлөгөөгүй хүмүүст хандаж, бүр илүү их нүгэл үйлдэхээс зайлсхийхийн тулд нэн даруй чуулганыг орхи гэж зөвлөж байна. Цаг нь ирэхээр гэмшихэд ч хүртэл хэтэрхий оройтсон байх болно, ялангуяа талцуулж, хагалан бутаргадаг хүмүүс болон чуулган доторх нутгийн хорлогч могойнууд бүр эрт явах хэрэгтэй. Ёрын муу чононы уг чанартай энэ хүмүүс өөрчлөгдөх чадваргүй байдаг, тэд ах эгч нарын зөв зохист амьдралыг дахин хэзээ ч үймүүлэхгүй байж, Бурханы шийтгэлээс зайлсхийхийн тулд аль болох эртхэн чуулганаас явсан нь дээр. Тэднийг дагаж явсан хүмүүс та нар энэ боломжийг ашиглаж, өөрсдөдөө сайтар дүгнэлт хийх хэрэгтэй. Та нар ёрын муу этгээдүүдийг чуулганы гадна дагамаар байна уу, эсвэл үлдэж, хүлцэнгүй дагамаар байна уу? Та нар энэ асуудлыг няхуур авч үзэх хэрэгтэй. Би та нарт сонголт хийх дахин нэг боломж өглөө. Та нарын хариуг Би хүлээж байна.

Өмнөх:АРИУН СҮНСНИЙ АЖИЛ БА САТАНЫ АЖИЛ

Дараах:ЧИ БУРХАНД ӨГСӨН ҮНЭНЧ БАЙДЛАА ХАДГАЛАХ УЧИРТАЙ

Танд таалагдаж магадгүй

  • ТАВДУГААР БҮЛЭГ

    Миний Сүнс үг хэлэхэд энэ нь Миний бүхий л зан чанарыг илэрхийлдэг. Та нар үүнийг ойлгож байна уу? Энэ зүйлийг ойлгохгүй байх нь Намайг шууд эсэргүүц…

  • ДӨЧИН ДОЛООДУГААР БҮЛЭГ

    Хүн төрөлхтнийг амьдаа томоожиж, хүн төрөлхтөн болон Өөртөө хамтын чин эрмэлзлийнхээ үр дүнг үзэх боломжийг олгохын тулд Миний үгээс үр өгөөж, шим тэж…

  • ГУЧИН НАЙМДУГААР БҮЛЭГ

    Хүн төрөлхтний төрөлхийн зан араншингийн, өөрөөр хэлбэл хүн төрөлхтний жинхэнэ нүүр царайны дагуу одоог хүртэл “үргэлжлүүлэх” чадвартай байх нь үнэхээ…

  • ГУЧИН ДӨРӨВДҮГЭЭР БҮЛЭГ

    Би нэгэнтээ хүнийг Өөрийнхөө гэрт зочноор урьсан, гэвч түүнийг зочин мэт урихын оронд Би түүнийг цаазын тавцанд очихыг гуйсан мэтээр Миний дуудлагын у…