Бүх үнэнийг эрэлхийлэгчдийг бидэнтэй холбогдохыг урьж байна.

Яагаад ХКН-ын засгийн газар Төгс Хүчит Бурхан болон Төгс Хүчит Бурханы Чуулганыг галзууран дарангуйлж, балмадаар хяхан хавчдаг юм бэ?

3

Лавлахад зориулсан Библийн ишлэлүүд:

“Энэ бол ёрын муу үеийнхэн” (Лук 11:29).

“Бүх ертөнц хорон муу нэгний дор байдаг” (1Иохан 5:19).

“хүмүүсийн үйлс ёрын муу учраас гэрэл дэлхийд ирэхэд тэд харанхуйг гэрлээс илүү хайрласан юм. Учир нь үйл хэрэг нь зэмлүүлэх вий гэсэндээ мууг үйлдэг хүн бүр гэрлийг үзэн ядаж, гэрэлд гарч ирдэггүй” (Иохан 3:19-20).

“Хэрвээ дэлхий ертөнц та нарыг үзэн ядвал та нарыг үзэн ядахаасаа өмнө Намайг үзэн ядсан гэдгийг мэдэж ав” (Иохан 15:18-19).

“Чи яаж тэнгэрээс унав аа, Аяа Үүрийн хүү, гялбаат цолмон! үндэстнүүдийг доройтуулагч чи газарт хаягдлаа! Учир нь чи зүрх сэтгэлдээ, “Би тэнгэр лүү гарна, Бурханы оддын дээр сэнтийгээ зална: Би умардын чанадад цуглааны уулаан дээр заларна: Би үүлсийн дээр гарна; Би Хамгийн Дээд Нэгэн шиг байх болно” гэсэн (Исаиа 14:12-14).

“Тэнгэрт дайн болов: Михаел болон түүний тэнгэрэлчүүд луутай тулалдлаа; луутай тулалдаад тэд ялсангүй; тэнгэрт байх газар ч тэдэнд олдсонгүй. Агуу том луу буюу бүх ертөнцийг мэхлэгч Диавол, Сатан гэгддэг эртний могой доош хаягдав: тэр газар луу хаягдсан бөгөөд түүнтэй хамт тэнгэрэлчүүд нь ч доош хаягдлаа… Луу газар луу хаягдсанаа харах үедээ хүү төрүүлсэн өнөөх эмэгтэйг мөрдөн хавчлаа” (Илчлэл 12:7-9, 13).

Холбогдолтой Бурханы үгс:

Хүний нөхөрлөл:

Энэ удаа агуу улаан луу яагаад Төгс Хүчит Бурханд ийм их дайсагнадаг вэ? Яагаад бүх улс орон дээрээсээ доошоо хүртэл Төгс Хүчит Бурханы Чуулганыг галзууртлаа хяхан хавчиж байна вэ? Үүний уг үндэс юу вэ? Энэ нь агуу улаан луу Төгс Хүчит Бурханаас маш их айдгаас болж байгаа юм. Тэр Төгс Хүчит Бурханы илэрхийлдэг үнэний замаас маш их айдаг, Хятадын ард түмэн Түүний үгийг харж, тэгээд Түүнийг хүлээн зөвшөөрч, дагана гэдгээс тэр маш их айдаг. Тийм учраас Төгс Хүчит Бурхан бол түүний хажуу дахь өргөс бөгөөд энэ нь бүр дайсан улсуудаас нь ч илүү заналтай, аймшигтай гэж түүнд санагддаг. Тийм учраас тэр Төгс Хүчит Бурханы Чуулганыг устгахын тулд зэвсэгт хүчнийг дайчилсан. Та нар үүнийг тодорхой харж байна уу? Гадна талдаа Төгс Хүчит Бурхан бол ердийн хүн, хэвийн л нэг хүн тэгвэл тэд яагаад Түүнээс тэгж их айдаг юм бэ? Учир нь Тэр үнэндээ ер бусын бөгөөд Түүний хэлдэг зүйл бүх дэлхийг өөрчилж, бүх хүн төрөлхтнийг өөрчлөх чадвартай! Хэрвээ энэ хүн энэ дэлхий дээр ганц л өдөр байж, ийм маягаар үргэлжлүүлэн ярих юм бол бүх дэлхий ертөнц шинэчлэгдэж, өөрчлөгдөх бөгөөд бүх зүйл орвонгоороо эргэх болно. Тийм учраас тэд маш их айж, “Төгс Хүчит Бурханы хүмүүс бүгд зэвсэггүй, тэдэнд бүр ганц саваа ч байхгүй боловч тэд аймаар. Хэрвээ бид зэвсэгт хүчнийг дайчлахгүй бол үүнийг шийдвэрлэж чадахгүй!” гэж хэлдэг. Тэр юунаас айж байгааг энэ нь харуулдаг вэ? Тэр үнэнээс айдаг ба Төгс Хүчит Бурханы амнаас гарсан үгийг Хятадын ард түмэн зөвшөөрмөгцөө бүгд Түүнийг дагах болно гэдгээс тэр айдаг… Тэрээр Төгс Хүчит Бурханы Чуулганыг бүрмөсөн устгахын тулд “Зуун өдрийн тэмцлийг” эхлүүлж, улсын зэвсэгт хүчнийг дайчилж байгаагийн жинхэнэ шалтгаан энэ юм. Зарим хүн: “Бид Төгс Хүчит Бурханы үгийг хүлээн зөвшөөрдөг, бид чуулганы амьдралаар амьдарч, өөрсдийн үүргийг өдөр бүр биелүүлдэг. Тэд яагаад ингэж их айдаг юм бэ? Яагаад тэд бидэнд тэгж ханддаг юм бэ? Үнэхээр ойлгохын аргагүй юм!” гэдэг. Зарим нь: “Агуу улаан луугийн хүмүүс бол галзуу! Тэд үнэхээр галзуу!” гэж хэлдэг. Энэ үг үнэн үү? Тэд галзуу юу? Тэд юмыг та нараас ч илүү нарийн хардаг! Та нар тэднийг сайн ойлгодоггүй боловч тэд та нарын талаар нэгд нэггүй ойлгож байгаа. Тэд Төгс Хүчит Бурханы Чуулганы ажил, Төгс Хүчит Бурханы үг, Бурханы гэрийн ном, кино, видеог нэвт шувт судалсан бөгөөд тэд эдгээр зүйлийг хэдий чинээ их судална, төдий чинээ айж байдаг. Зүрх сэтгэлд нь хүйтэн хөлс нь асгарч байгаа! Тэд: “Энэ замын тухайд гэвэл энэ нь Хятадын уламжлалт соёл биш байгаад зогсохгүй, мөн дэлхий даяарх уламжлалт соёлыг муутгадаг. Энэ бол аймшигтай!” гэсэн юм. Тэд бас: “Энэ хүмүүс Бурханд итгэдэг, тэдэнд гар буу эсвэл их буу байдаггүй боловч тэд гар буу болон их буутай сая сая цэргээс илүү аймаар!” гэж хэлдэг. Энэ үнэн үү?

Амийн оролтын тухай номлол ба нөхөрлөл (XI) дэх “‘Бурханы ажил, Бурханы зан чанар, Бурхан Өөрөө III’ хэмээх Бурханы үгийн тухай номлол ба нөхөрлөл (IX)”-өөс

Агуу улаан луу одоогоор улс орон даяар Төгс Хүчит Бурханыг галзууран эсэргүүцэж, тэрсэлж байгаа. Яагаад тэр тэгэхийг хүсдэг вэ? Ихэнх хүмүүс үүнийг тайлбарлаж чадахгүй. Тэдний хүлээн зөвшөөрдөг зүйл юу вэ? “Агуу улаан луу бол бурхангүй үзэлтэй ба Бурханыг дарамталдаг. Тийм учраас тэр Түүнийг эсэргүүцдэг.” Та нар тэр талаар юу гэж бодож байна вэ? Зарим хүн: “Агуу улаан луу бол чөтгөр, ийм учраас тэр Төгс Хүчит Бурхан болоод Түүний дагалдагчдыг хяхан хавчдаг. Тийм байх ёстой, тийм үү?” гэж хэлдэг. Гадна талдаа энэ нь тун зөв, алдаа мадаггүй мэт санагддаг. Тэгвэл тэр яагаад Төгс Хүчит Бурханыг улангасан эсэргүүцэж, ялладаг вэ? Үүний уг үндэс юу вэ? Учир нь агуу улаан луу үнэнээс айдаг, үнэнийг үзэн яддаг. Өөрийн нүдэндээ тэр Бурхан махбод болсон гэдгийг хүлээн зөвшөөрч чаддаггүй ба энэ хүн бол Бурхан гэдгийг тэр хүлээн зөвшөөрч чаддаггүй. Гэсэн хэдий ч тэр Төгс Хүчит Бурханы илэрхийлсэн бүх үнэнийг зүрх сэтгэлдээ туйлын их үзэн яддаг болохоор, мөн тэр жинхэнэ зам болоод Төгс Хүчит Бурханыг туйлын их үзэн яддаг болохоор ард түмэн нь бүгд жинхэнэ замыг хүлээн зөвшөөрөхөөр босох болно гэдгээс тэр айдаг. Ялангуяа сүүлийн хэдэн жилд тэр Төгс Хүчит Бурханы Чуулганы сонгосон хүмүүсийг хяхан хавчсанаар дамжуулан нэг баримтыг харсан: Бурханы сонгосон хүмүүс Төгс Хүчит Бурханы үгийг ойлгомогцоо завхаршгүй болдог бөгөөд тэднийг эргүүлж болохгүй. Тэд “бурханчлагдсан хүмүүс” болсон. Бурханы үгийн хүч маш агуу гэдгийг тэр харсан бөгөөд үнэний сүр хүч маш агуу болохоор хүмүүсийн зүрх сэтгэлийн гүнд үнэн оронгуут тэдгээр хүмүүс бол аврахын аргагүй гэж тэр үздэг. Тэднийг боловсруулж эсвэл засаж болохоо больдог бөгөөд тэдний тархийг хэчнээн угааж, шоронд хорих нь хамаагүй энэ бүхэн нь нэмэргүй байдаг. Тэр хүмүүс Бурханаар бүрэн төгс болгуулж, авахуулсан. Дотроо тэд: “Төгс Хүчит Бурханы илэрхийлдэг үнэн аймшигтай! Эдгээр үнэн Хятадын ард түмний дунд хүчээ авчихвал үр дагавар нь төсөөлөхийн аргагүй байх болно!” гэж боддог. Иймээс тэд Бурханы сонгосон хүмүүсийг шалтгаангүйгээр баривчилж, хавчдаг ба Төгс Хүчит Бурханы Чуулганыг бүрмөсөн дарахаар төөрөлдөн оролддог. Энэ бол асуудлын үндэс юм.

Амийн оролтын тухай номлол ба нөхөрлөл (XI) дэх “‘Бурханы ажил, Бурханы зан чанар, Бурхан Өөрөө III’ хэмээх Бурханы үгийн тухай номлол ба нөхөрлөл (IX)”-өөс

Хятадын Коммунист Нам (ХКН)-ын Зүүний Аянгын эсрэг дарлал, дайралтууд нь дэлхий даяар шуугиан тарьсан. Тэд яагаад Бурханыг улангасан эсэргүүцэж, тэрсэлдэг талаар олон хүн огт мэддэггүй. Энэ нь үнэндээ Төгс Хүчит Бурхан Үг нь Махбодоор Илэрсэн номон дахь олон үнэнийг айлдсан бөгөөд энэ ном бүх шашны бүлэглэлийг доргиосноос болж байгаа юм. Эзэнд итгэдэг олон хүн Төгс Хүчит Бурханы айлдваруудыг сонссон бөгөөд тэдгээрийг Бурханы дуу хоолой болон Түүний ажил гэж батлан Түүн рүү эргэсэн юм. Төгс Хүчит Бурханыг тунхаглаж, гэрчилдэг хүмүүс байнга өсөн нэмэгдэж байгаа нь ХКН-ыг цочролд оруулжээ. ХКН, өөрсдийн номлолдоо Бурханд гэрчлэл хийсэн тоо томшгүй олон тооны хүмүүсийг баривчилж, Үг нь Махбодоор Илэрсэн номын олон хувийг хураасан юм. Тэд өдрөөс өдөрт энэ номыг судалж, хэчнээн их аймшигтай болохыг нь улам мэдэрсэн. Энэ нь бүхнийг байлдан дагуулах чадвартай; ХКН Төгс Хүчит Бурханыг хэчнээн их гүжирдэж, шүүж, гутаахаар оролдох нь хамаагүй, тэд Үг нь Махбодоор Илэрсэн номыг олон нийтэд мэдэгдэж зүрхэлдэггүй. Өөрөөр хэлбэл, тэд Төгс Хүчит Бурханы айлдсан зүйлийг өчүүхэн төдий ч дурддаггүй. Яагаад тэд Үг нь Махбодоор Илэрсэн номд маш хүйтэн ханддаг вэ? Тэд, Бурхан Өөрийн ажлыг Зүүн зүгт хийж харагдсан, хүн төрөлхтний Аврагч Зүүн зүгт илэрсэн, тэнд хүн төрөлхтний найдвар оршиж байна гэдгийг бүх дэлхий ертөнц харна гэдгээс айдаг. Хүн төрөлхтөн Үг нь Махбодоор Илэрсэн номыг уншихаас ХКН яагаад айдаг вэ? Учир нь энэ ном бол Бурханы ярьж буй дуу хоолой, энэ нь үнэний айлдвар бөгөөд энэ бол Зүүн зүгт илэрсэн жинхэнэ гэрэл билээ! ХКН бол хамгийн ёрын муу, үнэнийг хамгийн их үзэн яддаг Сатаны дэглэм юм. Хүний ертөнцөд үнэн очиж, хүн төрөлхтөн үнэнийг хүлээн зөвшөөрч, хүний ертөнцийг захирахын тулд Бурхан Хааны эрх мэдлийг авч, Христийн хаанчлал газар дээр илрэх болно гэдгээс энэ нь хамгийн их айдаг. Тиймээс ХКН Христийг улангасан мөрдөн мөшгөж, дарангуйлдаг бөгөөд Төгс Хүчит Бурханы Чуулганыг шалтгаангүйгээр буруутгаж, хуурамч хэрэг үүсгэж, нэр төрийг нь гутаах суртал ухуулгадаа хэвлэл мэдээллийн сүлжээг ашигладаг. Тэд Бурханы сонгосон хүмүүсийг хэтэрхий их дарангуйлж, баривчилж, хяхан хавчихын тулд улсын зэвсэглэсэн цагдаагийн хүчийг дайчлахаас ч сийхгүй. Нуугдах газаргүй болохоор ХКН-ын хавчлагаас болж Түүний сонгосон хүмүүс нутгаасаа дайжихаас өөр аргагүй болсон бөгөөд ХКН-ын удирдлага доорх Хятадын засгийн газар ёрын муу гараа улс орон болгон руу сунгаж, хилийн чанад руу зугтсан Христэд итгэгчдийг тамлаж, хавчихын тулд Хятад улсад шилжүүлэн өгүүлэхээр улс төр, эдийн засаг, дипломат арга барил ашиглан зарим улсад дарамт үзүүлдэг. Бүр ч илүү жигшүүртэй зүйл нь гэвэл, ХКН бас хилийн чанадад гарсан тэдгээр Христэд итгэгчдийн хамаатан садныг баривчилж, хяхан хавчдаг ба Төгс Хүчит Бурханы Чуулганыг заналхийлэх барьцааны хүмүүс мэт тэдэнд ханддаг. Паспортаа аваад гадагшаа явж, улс орон болгон дахь Төгс Хүчит Бурхны Чуулганыг үймүүлэхийг ХКН тэднээс шаарддаг бөгөөд дипломат сувгаар дамжуулан Түүний Чуулганыг зохиомлоор буруутгаж, урхидаж, цуу яриагаар төөрөгдүүлж, олон нийтийн саналыг удирдаж, гутаахаар оролддог. ХКН, Төгс Хүчит Бурханы Чуулганыг эсэргүүцэж, голж, хилийн чанадад байгаа Чуулганы гишүүдийг шилжүүлэн өгөхөд нь бусад орны засгийн газар болон ард түмнийг аль алийг нь турхирдаг; үүний ёрын муу зорилго нь Төгс Хүчит Бурханы Чуулган болон сайн мэдээ хилийн чанадад түгэхэд саад хийж, хязгаарлаж, дарангуйлахдаа амжилт олох явдал юм. ХКН бол үнэнийг үзэн яддаг, Бурханыг үзэн яддаг диавол Сатан гэж та нар хэлэхгүй гэж үү? ХКН хүмүүсийг харгисаар хүчирхийлж, сүнсийг нь залгихдаа мэргэжлийн; энэ бол ясыг нь ч хаялгүйгээр хүнийг иддэг чөтгөр юм. ХКН-ын доорх Хятадын засгийн газар яагаад Төгс Хүчит Бурханыг улангасан эсэргүүцэж, яллаж байдгийн жинхэнэ дүр зураг энд байгааг одоо та бүхэн харлаа.

Кино зохиолын асуултуудын хариултаас

ХКН бол бурхангүй нам гэдгийг бид бүгд мэднэ. Бурхангүйчүүд эрх мэдэлтэй бөгөөд Сатан эрх мэдэлтэй гэсэн үг юм. ХКН Бурханыг дайснаа гэж үздэг. Христ илэрч, Өөрийн ажлыг хийхийг хармагцаа тэд зэвсэгт хүчнийг илгээх ба Христийн ажил бүрмөсөн устах хүртэл хэзээ ч ухрахгүй. Тэд Христийг цовдлох хүртлээ хэзээ ч зогсохгүй! ХКН эрх мэдэлтэй болсноосоо хойш Бурханыг ил тод үгүйсгэж, яллаж, доромжилсоор ирсэн. Тэд Христийн шашныг муу ёрын буруу номтон, Библийг буруу номтны ном гэж хаягласан; тэд үүнийг хураан авч, шатаадаг! Тэд шашны бүлгүүдийг буруу номтны байгууллага гэж тунхаглаад тэдэнд дарангуйлал, хавчлага шахалт учруулсан. Ялангуяа жинхэнэ Бурханд итгэж, Түүнд гэрчлэл хийдэг Христэд итгэгчдийн тухайд гэвэл ХКН тэднийг үргэлж улайран дарангуйлж, баривчилж, хяхан хавчиж байдаг. Тэд хүнлэг бусаар тамлаж, харгис хор хөнөөл учруулдаг. Энэ бол үнэхээр өршөөлгүй, үндэслэлгүй аллага юм! Тэдний зэрэмдэглэж эсвэл хөнөөсөн тоо томшгүй олон Христэд итгэгч байдаг. Энэ бол нийтээр хүлээн зөвшөөрөгдсөн үнэн! ХКН-ын чөтгөр Тэнгэр болон Бурханы хүслийг эсэргүүцдэг. Бурханыг эсэргүүцсэн түүний ёрын муу ааш авир тоо томшгүй олон бөгөөд түүний нүгэл нь олон! ХКН бол ёрын муу сатанлаг хүч, Бурханы дайсан юм гэдгийг батлах баримтууд хангалттай бий. Яагаад ХКН жинхэнэ Бурханд итгэдэг хүмүүсийг ингэж их үзэн ядаж, хяхан хавчдаг юм бэ? Үүний зорилго юу вэ? Хятадын ард түмэн бүгдээрээ Бурханд итгэж, дагаж эхэлнэ гэдгээс энэ нь айдаг. Хүмүүс үнэнийг эрэлхийлж, аврал хүртэнэ гэдгээс тэр айдаг. Тэр тохиолдолд, хэн ч ХКН-д боолчлогдож, үүнд үйлчлэх хэрэггүй болно. Тиймээс Христэд итгэгчдийг хавчихын тулд диавол ХКН ямар ч хамаагүй арга ашигладаг. Энэ нь, Бурханы ажлыг хориглож, Христийн шашныг хориглохыг хүсдэг; энэ нь Хятадыг бурхангүй газар нутаг болгохоор хичээдэг, ингэвэл хэдэн мянган үеэрээ Хятадын дарануйлагчийн байр сууриа батжуулах болно. ХКН бол үнэн болон Бурханыг хамгийн их үзэн яддаг ёрын муу сатанлаг дэглэм гэдгийг батлахад энэ нь хангалттай. Энэ бол Бурханыг эсэргүүцдэг диаволын байгууллага билээ. ХКН-ын засаглал бол Сатаны засаглал юм.

Үнэндээ Эзэн Есүс үүнийг бидэнд аль хэдийн илчилсэн. “Энэ бол ёрын муу үеийнхэн” (Лук 11:29). “Энэ бол яллалт бөгөөд хүмүүсийн үйлс ёрын муу учраас гэрэл дэлхийд ирэхэд тэд харанхуйг гэрлээс илүү хайрласан юм” (Иохан 3:19). Библид “бүх дэлхий ертөнц ёрын муугийн дотор оршдог” (1 Иохан 5:19) гэж байдаг. Эзэн Есүс асуудлын гол цөмд орж, энэ дэлхийн муу муухай, харанхуйн жинхэнэ байдал болон эх сурвалжийг илчилдэг. Бүх хүн Сатаны нөлөөн дор амьдардаг. Бурхан эсвэл үнэн орших зай байдаггүй. Газар дэлхийн өнцөг булан бүр Бурханыг үгүйсгэж, үнэнийг үгүйсгэж эсвэл Христэд ял тулгасан дуугаар дүүрэн байдаг. Бурханыг эсэргүүцдэг ёрын муу сатанлаг хүч энэ дэлхийг захирч байгаагаас энэ нь болж байгаа биш гэж үү? Бие махбодтой болсон Эзэн Есүсийг төрөх үед Ромын засгийн газар мөрдөн хөөж байсан 2000 жилийн өмнөхийг бодоод үз. Эзэн Есүс номлол айлдаж, Өөрийн ажлыг хийж байх үед Иудейн удирдагчид болон Ромын эрх мэдэлтнүүдийн эвсэл Түүнийг загалмайд цовдолсон. Эзэн Есүсийн сайн мэдээ Хятадад ирэх үедээ Хятадын засгийн газрын улайрсан яллалт, эсэргүүцэлтэй тулгарсан юм. Хэчнээн номлогчдыг зовоож, алж хядсаныг хэлэх аргагүй. ХКН засгийн эрхийг авснаас хойш баривчлагдаж эсвэл алуулсан Христэд итгэгчдийн тоог гаргахад бүр ч хэцүү. Энэ бүхэн юуг баталдаг вэ? Яагаад ХКН итгэгчдийг маш их үзэн яддаг вэ? Яагаад Христэд итгэгчид түүхэн туршид маш их хавчигдсан бэ? Хүмүүс яагаад үргэлж үнэнийг голж, яллаж байдаг вэ? Бурханы хүслийг яагаад газар дээр болон дэлхийн улс орнууд даяар биелүүлж болдоггүй вэ? Сатан хүмүүсийг хянаж байгаа учраас. Бүх дэлхий Сатаны эзэмшил дор оршиж байгаа учраас. Бурханыг эсэргүүцдэг Сатаны ёрын муу хүчнүүд болон бурхангүй дэглэм газар дэлхийг захирч байгаа учраас! Бурханыг эсэргүүцдэг үнэнийг үзэн ядагчид энэ завхарсан хүн төрөлхтнийг хянаж байгаа учраас. ХКН-ын дэглэм бол Сатаны ёрын муу хүчний сонгодог жишээ билээ. Хүмүүс ёрын муу болон харанхуйгаар дүүрсний шалтгаан нь тэр юм.

Кино зохиолын асуултуудын хариултаас