Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Агуулга

Тав дахь айлдварын тайлбар

Бурхан, тайлбарлахад хэцүү шаардлагыг нь хүмүүст тавих үед, мөн Түүний үг хүний зүрх сэтгэл рүү шууд цохиж, хүмүүс Түүнд эдлүүлэхийн тулд чин сэтгэлээ өргөх үед Бурхан хүмүүст эргэцүүлж, шийдвэр гаргаж, хэрэгжүүлэлтийн замыг эрж хайх боломж олгодог. Ийм байдлаар Түүний ардууд болох бүх хүн дахин нэгэнтээ шийдвэртэйгээр нударга зангидан, бүхий л оршихуйгаа Бурханд өргөдөг. Магадгүй зарим нь өөрсдийгөө өдөөж, ажилдаа орохоор бэлтгэнгээ төлөвлөгөө зохиож, өдөр тутмын хуваарь гаргаж, энэхүү төлөвлөгөөнд алдрыг авчирч, үүний төгсгөлийг хурдасгахын тулд Бурханы удирдлагын төлөвлөгөөний төлөө өөрсдийн эрч хүчний нэг хэсгийг зориулж байж болох юм. Хүмүүс энэхүү сэтгэл зүйн байдалд автаж, гэр орны ажлаа хийж, ярьж, ажиллангаа эдгээр зүйлийг оюун ухаандаа нарийн нягт байлгаж байхад Бурхан үүнд даруй арга хэмжээ авч, дахин ийнхүү ярьж эхэлдэг: "Миний Сүнс дуу хоолойгоо дамжуулах үед энэ нь Миний бүхий л зан чанарыг илэрхийлдэг. Та нар үүнийг тодорхой мэдэж байна уу?" Хүн хэдий чинээ шийдэмгий байна, Бурханы хүслийг ухаарахаар төдий чинээ цөхрөлтгүй тэмүүлэх бөгөөд Бурхан түүнд шаардлага тавихыг тэр төдий чинээ чин сэтгэлээсээ хүсэх болно; иймээс Бурхан, удаан хугацаанд бэлэн байлгасан Өөрийн үгийг тэдний оршин тогтнолын хамгийн гүн хэсэгт хэлэх энэ боломжийг ашиглан, хүмүүст хүссэн зүйлийг нь өгөх болно. Хэдий эдгээр үг бага зэрэг хатуу, ширүүн санагдаж болох ч хүмүүсийн хувьд тэдгээр нь харьцуулахын аргагүй зөөлөн. Хүмүүс тэнгэрт байсан мэт эсвэл өөр ертөнц рүү, гадны ертөнцийн хэрэг явдал хүмүүс рүү цаашид халдан дайрахгүй төсөөллийн жинхэнэ диваажин руу шилжсэн мэт зүрх сэтгэл нь тэр дороо баяр хөөрөөр бялхдаг. Хүмүүс өнгөрсөн үеийн зуршлаараа гаднаа ярьж, гаднаа үйлдэн, ингэснээрээ зүй зохистой эх үндэс тавихдаа бүтэлгүйтэхгүй байхын тулд: энэхүү боломжит тохиолдлыг нураахын тулд, хүмүүсийн зүрх сэтгэлдээ хүсдэг зүйл биелэх үед, цаашлаад тэднийг дүрэлзсэн урам зоригтойгоор ажилдаа явахаар бэлтгэх үед Бурхан Өөрийнхөө ярих аргыг тэдний сэтгэл зүйн байдалд нийцүүлдэг бөгөөд товчхоноор, биеэ барихгүйгээр тэдний зүрх сэтгэл доторх бүх хүсэл тэмүүлэл, шашны зан үйлийг няцаадаг. Бурханы хэлсэнчлэн: "Энд орших ач холбогдлыг та нар үнэхээр ойлгосон уу?" Хүн ямар нэгэн зүйлд шийдвэр гаргахаасаа өмнө эсвэл дараа, Түүний үйлдлээс, үгнээс Бурханыг мэдэхэд ихээхэн ач холбогдол өгдөггүй, харин оронд нь дараах асуултыг эргэцүүлсээр байдаг: "Би Бурханы төлөө юу хийж чадах вэ? Тэр л гол асуудал!" Ийм учраас Бурхан: "Тэгээд та нар Миний нүүрэн дээр өөрсдийгөө Миний ард гэж дуудах зоригтой байдаг-та нарт ямар ч ичгүүр сонжуурын мэдрэмж байхгүй, эрүүл ухаан ч байхгүй!" гэдэг. Бурхан эдгээр үгийг хэлмэгц хүмүүс даруй ухаардаг бөгөөд цахилгаан гүйдэлд цохиулсан юм шиг тэд гараа энгэртээ яаран аваачиж, Бурханы уур хилэнг хоёр дахь удаагаа өдөөхөөс айж байдаг. Үүн дээр нэмээд Бурхан бас: "Эрт орой хэзээ нэгэн цагт, ийм хүмүүс Миний гэрээс хөөгдөх болно. Чи Намайг гэрчлэхийн төлөө зогссон гэж бодон Миний өмнө дураараа эрээ цээргүй бүү аашил!" гэж хэлсэн. Иймэрхүү үг сонсоод хүмүүс, арслан харвал л ингэх байх гэмээр бүр ч илүү их айсан. Тэд зүрх сэтгэлдээ бүрэн дүүрэн мэддэг. Нэг талаар тэд арсланд идүүлэхгүйг боддог, нөгөө талаар хаашаа зугтахаа мэдэхгүй байдаг. Энэ мөчид, хүний зүрх сэтгэл доторх төлөвлөгөө ул мөргүйгээр, бүрэн дүүрэн, бүхэлдээ арилдаг. Бурханы үгээр дамжуулан Би хүмүүсийн гутамшигт байдлын бүх талыг харж байгаа мэт Надад санагддаг: Коллежид элсэх шалгалтандаа унасан, эрхэм дээд туйлын зорилго, аз жаргалтай гэр бүл, гэрэл гэгээтэй ирээдүй гэх мэт нь 2000 он гэхэд Дөрвөн Шинэчлэлтийн хамтаар уран зөгнөлт кинон дахь төсөөллийн үзэгдлийг бүтээн, хоосон яриа болж хувирсан хүн шиг толгой нь гудайсан, өөдгүй зан араншинтай байдаг. Энэ нь, идэвхгүй байдалтай байгаа хүмүүсийг Бурханы оноож өгсөн байр сууринд нь зогсуулан, идэвхгүй элементийг идэвхтэйгээр солихын төлөө юм. Гойд чухал зүйл бол хүмүүс энэ нэршлийг алдахаас гүнээ айдаг явдал бөгөөд иймээс тэд албаныхаа тэмдэгнүүдэд амиа тавьж, хэн нэгэн тэдгээрийг нь булаан авахаас айж байдаг. Хүмүүс ийм санаа сэтгэлтэй байх үед Бурхан тэднийг идэвхгүй болно гэдэгт санаа зовдоггүй, ийнхүү Тэр Өөрийнхөө шүүлтийн үгийг байцаалтын үг болгон өөрчилдөг. Тэр хүмүүст амьсгаа авах боломж олгоод зогсохгүй мөн өмнө нь өөрсдөд нь байсан чин эрмэлзлийг одоо авч үзэн, тэдгээрийг хожмын лавлах болгон цэгцлэн ялгах боломжийг тэдэнд олгодог: Тохиромжгүй зүйлийг өөрчилж болно. Ийм учраас Бурхан Өөрийн ажлыг хараахан эхлээгүй байгаа-энэ нь асар их золгүй явдлын дундах өчүүхэн жаахан сайн зол завшаан бөгөөд-цаашлаад тэднийг ялладаггүй. Иймээс би Түүнд өөрийнхөө бүх зориулалтыг үргэлжлүүлэн өгье!

Дараа нь чи айдсаасаа болж Бурханы үгийг хойш тавих ёсгүй. Бурханд ямар нэгэн шинэ шаардлага байгаа эсэхийг хар. Мэдээж чи иймэрхүү шаардлагыг олж илрүүлэх болно: "Энэ цагаас эхлээд, бүх зүйл дээр чи хэрэгжүүлэлтийн бодит байдал руу орох ёстой; чи өмнө нь хийдэг байсан шигээ зүгээр дэмий чалчсанаар цааш явж чадахгүй." Энд бас Бурханы мэргэн ухаан харагддаг. Бурхан Өөрийнхөө гэрчийг үргэлж хамгаалж байсан бөгөөд өнгөрсөн үеийн үгний бодит байдал төгсгөлдөө хүрэхэд хэн ч "хэрэгжүүлэлтийн бодит байдлын" талаарх мэдлэгийг ухан ойлгож чадахгүй. Энэ нь, Бурханы "Би Өөрөө ажил хийх үүрэг хүлээдэг" хэмээн хэлсний үнэнийг батлахад хангалттай юм. Энэ нь бурханлаг чанараар ажиллахын жинхэнэ утга учиртай холбоотой ба мөн шинэ эхлэлийн цэгт хүрснийхээ дараа ч гэсэн хүмүүс яагаад Бурханы үгийн жинхэнэ утгыг ухан ойлгох чадваргүй хэвээр байдгийн шалтгаантай холбоотой. Яагаад гэвэл урьд нь асар олон хүмүүс Бурханы үгийн бодит байдалтай зууралддаг байсан байхад өнөөдөр тэдэнд хэрэгжүүлэлтийн бодит байдлын талаар ямар ч таамаг байдаггүй, харин мөн чанарыг нь ойлгохгүйгээр эдгээр үгний өнгөц талуудыг л зөвхөн ойлгодог. Үүнээс ч илүү чухал зүйл нь, өнөөдөр хаанчлалыг байгуулж байгаа үе учраас хэнд ч хөндлөнгөөс оролцохыг зөвшөөрдөггүй, харин Бурханы тушаалыг робот шиг дуулгавартай дагахыг л зөвшөөрдөг. Үүнийг сайн сана! Бурхан өнгөрсөн үеийг сөхөх болгондоо өнөөдрийн бодит нөхцөл байдлын талаар ярьж эхэлдэг; энэ нь өмнө нь болсон зүйл болон дараа нь болсон зүйлийн хооронд гайхалтай ялгааг бий болгодог ярианы хэлбэр бөгөөд энэ шалтгааны улмаас, өнөө үеийг өнгөрсөн үетэй зэрэгцүүлэн тавьж, ийм маягаар энэ хоёрын хоорондох ялгааг хольж хутгахаас зайлсхийх боломжийг хүмүүст олгон бүр ч илүү дээр үр дүнд хүрч чаддаг. Энэ бол Бурханы мэргэн ухааны нэг тал бөгөөд үүний зорилго нь ажлын үр дүнд хүрэхийн төлөө байдаг. Үүний дараа, Бурханы үгийг өдөр бүр идэж, уухыг хүмүүст мартуулахгүйн тулд Бурхан хүмүүсийн муу муухай байдлыг дахин нэгэнтээ илчилдэг ба үүнээс ч илүү чухал зүйл нь, ингэснээр тэд өдөр болгон өөрсдийгөө мэдэж, үүнийг өөрсдийнхөө өдөр бүр сурах ёстой хичээл хэмээн үзэх юм.

Эдгээр үгийг ярьж дуусах үедээ Бурхан Өөрийнхөө анх зорьж байсан үр нөлөөнд хүрсэн. Иймээс хүмүүс Түүнийг ойлгосон уу эсвэл үгүй юү гэдэгт цаашид анхаарал хандуулахгүйгээр Тэр цөөхөн өгүүлбэрээр үүнийг хальт шүргэн өнгөрдөг, учир нь Сатаны ажил хүмүүстэй ямар ч хамаагүй-энэ талаар хүмүүст ямар ч таамаг байдаггүй. Одоо сүнсний ертөнцийг орхиод, улмаар Бурхан Өөрийнхөө шаардлагыг хүмүүст хэрхэн тавьдгийг харцгаая: "Өөрийн орон байранд амрангаа Би анхааралтай ажигладаг: Газар дээрх бүх хүмүүс бүгд өөрсдийн хувь заяаны төлөө, өөрсдийн ирээдүйн төлөө сандран бужигнаж, "дэлхий даяар аялж", хойш урагш хөлхөлддөг. Гэвч Миний хаант улсыг байгуулахад зориулах энерги ганцад нь ч байдаггүй, хүн амьсгалаа авахдаа ашигладаг хэмжээний хүч чадлаа ч зориулдаггүй." Эдгээр тогтсон ёс заншлыг хүн төрөлхтөнтэй солилцсоныхоо дараа Бурхан тэдэнд мөн л анхаарал хандуулдаггүй, харин Сүнсний өнцгөөс үргэлжлүүлэн ярьдаг бөгөөд эдгээр үгээр дамжуулан хүмүүний амьдралын ерөнхий нөхцөл байдлыг бүхэлд нь илчилдэг. Хүний амьдрал утга учиргүй гэдэг нь "дэлхий даяар аялж" болон "хойш урагш хөлхөлддөг" гэдгээс харахад тодорхой юм. Бурханы бүхнийг чадагч аврал байгаагүй бол Хятадын эзэн хааны удмын ядарч зүдэрсэн өнөр гэр бүлд төрсөн хүмүүс бүхий л амьдралдаа хий дэмий амьдрах байсан ба энэ дэлхийд ирэхдээ Үхэгсдийн орон болон тамд унах нь тэдний хувьд дээр байсан байж магадгүй. Агуу улаан луугийн эрхшээл дор тэд өөрийн мэдэлгүйгээр Бурханыг уурлуулсан, иймээс мөн л өөрсдөө мэдэлгүйгээр, аяндаа Бурханы гэсгээлт дор унасан юм. Энэ шалтгааны улмаас Бурхан, "гай зовлонгоос аварсан" ба "ач тус мэддэггүй" гэдгийг аваад, тэдгээрийг хооронд нь харьцуулан тавьсан, тэгснээр хүмүүс, Түүний авралын нигүүлслийн товойлгогчийг үүнээс бий болгон өөрсдийгөө илүү тодорхой мэдэж авч болох юм. Энэ нь бүр ч их үр ашигтай үр дүнд хүрэхгүй гэж үү? Мэдээж, Бурханы ярианы агуулгаас хүмүүс зэмлэсэн элементийг, мөн авралын болон уриалан дуудсан элементийг, гэхдээ бас бага зэргийн уйтгар гунигийн битүүхэн дохиог дүгнэн бодож чадна гэдгийг Би заавал тодорхой хэлэх шаардлагагүй. Эдгээр үгийг уншаад хүмүүс өөрийн мэдэлгүйгээр зүрх сэтгэлдээ шийдвэртэй бус гэмшлийг мэдэрдэг бөгөөд өөрийн эрхгүй нулимс урсгадаг… Гэхдээ Бурхан цөөн хэдэн уй гашуутай мэдрэмжээс болж хязгаарлагдахгүй, мөн бүхий л хүн төрөлхтний завхралаас болж Тэр Өөрийн ардуудыг сахилгажуулж, тэдэнд шаардлага тавих ажлаа орхихгүй. Үүний улмаас Түүний сэдвүүд өнөөдрийн нөхцөл байдал зэргийг даруй хөнддөг ба цаашлаад Тэр Өөрийн захиргааны зарлигийн сүр жавхланг хүмүүст тунхагладаг, ингэснээр Түүний төлөвлөгөө үргэлжлэн урагшилдаг. Ийм учраас боломжит бүх хурдаараа үүнийг дагаж, төмрийг халуун байхад нь давтан, энэхүү шийдвэрлэх үед Бурхан, энэ цагийн үндсэн хуулийг буюу хүмүүс Бурханы хүслийг ойлгохоосоо өмнө заалт бүрийг нь хянуур анхааралтайгаар унших ёстой үндсэн хуулийг гаргадаг. Одоо энэ талаар цааш ярих хэрэггүй-тэдгээрийг зүгээр л илүү анхааралтайгаар унших ёстой.

Өнөөдөр та нар-энд байгаа энэ бүлэг хүмүүс бол-Бурханы үгийг үнэхээр ойлгож чадах хүмүүс юм. Тэгсэн ч гэсэн Бурханыг мэдэхдээ өнөөдрийн хүмүүс, өнгөрсөн эрин үеүдэд байсан ямар ч хүнээс хамаагүй хол хоцорсон. Энэ хэдэн мянган жилд хүмүүст оруулсан Сатаны хичээл чармайлтын хэмжээ болон түүний хүн төрөлхтнийг завхруулсан хэмжээ нь асар их болохоор Бурхан хэдий маш олон үг ярьсан ч хүмүүс Бурханыг ойлгодоггүй, бас мэддэг ч үгүй харин оронд нь өндийн босож, Түүнийг илт эсэргүүцдэг нь эндээс харахад хангалттай тодорхой байна. Иймээс Бурхан мэдрэмжгүй агаад мэдрэл муутай сүүлийнхэд нь бодитой лавлахыг өгөхийн тулд өнгөрсөн эрин үеийн хүмүүсийг өнөөдрийн хүмүүстэй харьцуулан үзүүлдэг. Хүмүүст Бурханы талаар ямар ч мэдлэг байхгүй учраас мөн тэдэнд Түүнд итгэх жинхэнэ итгэл дутагддаг учраас Бурхан хүмүүсийг чадвар болон эрүүл ухаанаар дутмаг гэж авч үзсэн, иймээс Тэр хүмүүст дахин дахин хүлээцтэй хандаж, тэдэнд аврал хайрласан юм. Сүнсний ертөнцөд ийм байдлаар тэмцэл явагдсан: Хүн төрөлхтнийг тодорхой хэмжээнд завхруулж, дэлхий ертөнцийг бузар булай, хорон муу болгосноор хүнийг намаг балчигт живүүлж, Бурханы төлөвлөгөөг нураах нь Сатаны хий дэмий горьдлого юм. Гэхдээ Бурханы төлөвлөгөө нь бүх хүмүүсийг Өөрийг нь мэддэг хүмүүс болгохын төлөө биш, харин бүх хүнийг төлөөлөх нэг хэсгийг сонгон авч, бусдыг нь хогийн цэгт хаягдах үйлдвэрлэлийн хаягдал, гологдол бараа болгон орхих явдал юм. Иймээс хэдийгээр Сатаны үзэл бодлын үүднээс цөөн хэдэн хүнийг эзэмших нь Бурханы төлөвлөгөөг нураах гайхалтай боломж юм шиг санагддаг боловч тийм маанаг амьтан яаж Бурханы санаа зорилгын талаар мэдэх юм бэ? Ийм учраас Бурхан аль хэдийн "Энэ дэлхий ертөнцийг харахаас зайлсхийхийн тулд Би нүүрээ халхалсан" хэмээн хэлсэн юм. Бид энэ талаар бага зэрэг мэддэг бөгөөд Бурхан хүмүүсээс ямар нэгэн зүйл хийх чадвартай байхыг гуйдаггүй, харин Түүний хийдэг зүйл гайхамшигтай агаад хэмжээлшгүй гэдгийг хүлээн зөвшөөрч, Түүнийг зүрх сэтгэлдээ хүндэтгэхийг тэднээс гуйдаг. Хэрвээ хүний төсөөлдөг шигээр Бурхан нөхцөл байдлыг нь авч үзэхгүйгээр хүнийг гэсгээдэг байсан бол бүхий л дэлхий ертөнц аль хэдийн мөхчихсөн байх байлаа. Энэ нь яг Сатаны урхинд орчихсон гэсэн утгатай байхгүй гэж үү? Иймээс Бурхан оюун санаандаа байгаа үр дүнд хүрэхийн тулд зөвхөн Өөрийн үгийг ашигладаг; хааяа бодит баримтууд байдаг. Энэ нь, "Хэрвээ Би та нарын эрдэм чадал, эрүүл ухаан, мэдлэг ухаан дутмагийг харгалзан үзээгүй бол та нар бүгдээрээ Миний гэсгээлтийн дунд мөхөж, оршин тогтнолоос арчигдах байлаа. Гэвч газар дээрх Миний ажил дуусах хүртэл, Би хүн төрөлхтөнд өршөөлтэй хэвээр үлдэх болно" хэмээн Түүний хэлсэн зүйл биш гэж үү?