116-Р БҮЛЭГ

Миний үгэн дундаас хэр олон нь хүмүүсийг айлгаж, хэр олон нь хүмүүсийг айн чичрэхэд хүргэдэг; бас хэр олон нь хүмүүсийг зовоож, итгэл найдвараа алдахад хүргэн, бас л хэр олон нь хүмүүсийг сүйрэлд хүргэдэг билээ. Миний үгийн баялаг байдлыг хэн ч тодорхой ойлгож, ухаарч чадахгүй. Би та нарт үгээ хэлж, нэг нэг өгүүлбэрээр нь илчлэх үед л, та нар ерөнхий байдлыг мэдэж чаддаг; гэхдээ тодорхой баримтуудын үнэнийг ойлгохгүй хэвээр байдаг. Иймээс Би та нарт илүү их ойлгуулахын тулд Өөрийн бүх үгийг илчлэхдээ баримт ашиглана. Миний ярианы арга барилаас харвал, Би үгээ хэлэхийн төдий хэлдэг биш, харин ч бүр үгээ хэлэхдээ үйлдэж байна; энэ нь үг болон бодит байдал зэрэгцэн явагдаж байгаагийн жинхэнэ утга юм. Учир нь Миний хувьд, юм бүхэн эрх чөлөөтэй, юм бүхэн чөлөөлөгдсөн байдаг бөгөөд энэхүү суурин дээр хийдэг бүхэн минь мэргэн ухаанаар дүүрэн байдаг. Би дураараа ярьдаггүй, бас дураараа үйлддэггүй. (Хүн чанарт ч бай, бурханлаг чанарт ч бай, Миний үг, үйлдэл бүхэнд мэргэн ухаан бий, учир нь хүн чанар минь Миний салшгүй хэсэг юм.) Гэвч Намайг ярихад ярианы минь өнгөнд хэн ч анхаарал хандуулдаггүй; Намайг үйлдэхэд ажлын минь арга барилд хэн ч анхаарал тавьдаггүй. Энэ бол хүний дутагдал юм. Би агуу хүч чадлаа бүх хүн дээр илчилнэ, ууган хөвгүүд дээр төдийгүй, цаашлаад бүх улс үндэстэн, бүх ард түмэн дотор илчилнэ; энэ л Сатаныг шившиглэх хүчирхэг гэрчлэл юм. Би тэнэг юм хийдэггүй; ууган хөвгүүдийг гэрчлэх нь Миний хувьд алдаа гэж олон хүн боддог, тэд Надаас гадна өөр Бурхад бий гэж хэлж, бас Намайг дураара аашилж, Өөрийгөө муушааж байна гэцгээдэг; эндээс хүний завхрал улам бүр илчлэгддэг. Ууган хөвгүүдийг гэрчлэх нь Миний алдаа юм гэж үү? Минийх буруу гэж та нар хэлдэг, тэгвэл та нар гэрчилж чадах уу? Хэрэв Миний өргөлт, Миний гэрчлэл байгаагүй сэн бол та нар бас л Миний Хүүг дороо дэвсэлж, Түүнтэй хүйтэн хөндий байдлаар харьцаж, зарц чинь мэт хандах байсан. Энэ араатны сүргийг дээ! Би нэг нэгээр чинь шийдвэрлэх болно! Хэнийг ч зүгээр өнгөрүүлэхгүй! Надад хэл дээ, хэвийн хүн чанартай хүнтэй нийцдэггүй энэ юмнууд юу вэ? Тэд араатнууд гэдэг нь эргэлзээгүй! Би тэднийг ерөөсөө л харж тэвчдэггүй. Та нарын гэрчлэлийг хүлээсэн бол Миний ажил аль хэдийн саатсан байх байлаа! Энэ араатны сүргийг дээ! Та нарт ердөөсөө л хүн чанар гэж огт алга! Чамаар Өөрийнхөө төлөө үйлчлэл хийлгэх хэрэг Надад байхгүй! Эндээс яг одоо яв! Чи Миний Хүүг маш удаан хугацаанд дээрэлхлээ; Би чамайг бяцартал чинь дэвсэлнэ! Чи зүгээр л дахиад зэрлэг байх гээд үз, чи зүгээр л Намайг дахиад шившиглэх гээд үз! Би аль хэдийн агуу ажлаа гүйцэлдүүлсэн; Би энэ араатны сүргийг хөөн явуулж, хаях учиртай!

Миний гарт бүгд биелж (Миний хайрладаг хүмүүсийн хувьд), бас Миний гарт бүгд устгагддаг (Миний үзэн яддаг тэр араатнууд, Миний жигшдэг хүмүүс, үйл явдал болоод зүйлсийн хувьд). Би хийхийг хүсдэг бүхнээ ууган хөвгүүддээ харуулж, бүрэн ойлгуулж, Сионоос гарснаас хойш Өөрийн хийсэн бүхнийг эндээс харуулдаг. Үүний дараа бид Сион уул руу хамт орж, эрин үеүдийн өмнөх бидний оршихуйн газар луу орж, шинээр амьдрах болно. Тэр үеэс эхлээд дэлхий болон энэ араатны сүрэгтэй дахин хэзээ ч холбоо тогтоохгүй, харин ч бүрэн эрх чөлөөтэй, бүгд саадгүй урагшилна. Хэн ууган хөвгүүдийн минь дундаас алийг нь ч болов эсэргүүцэж зүрхлэх вэ? Хэн дахин Миний ууган хөвгүүдийг сөрж зүрхлэх вэ? Тэр хүнийг Би амархан өршөөхгүй! Намайг өмнө нь хэчнээн ч хүндэлсэн бай, өнөөдөр ууган хөвгүүдийг минь төдий чинээ хүндлэх ёстой. Битгий өмнө минь нэг янз байж, араар минь нэг өөр бай; хэн ямар байхыг Би нэвт шувт хардаг. Миний Хүүд үнэнч бус байна гэдэг Надад ачлалгүй байна гэсэн үг, энэ бол илэрхий баримт, учир нь Бид нэгэн бие юм. Хэрэв хүн Надад сайн атлаа ууган хөвгүүдэд минь өөр хандлага баримталбал, тэд Христийн биеийг хуваадаг учир агуу улаан лууны үр удам гэдэг нь эргэлзээгүй; энэ нүглийг хэзээ ч өршөөж болохгүй! Намайг гэрчлэх нь та нарын үүрэг, ууган хөвгүүдийг гэрчлэх нь бүр ч та нарын даалгавар гэдгийг хүн бүхэн ойлгох ёстой. Хэн чинь ч хариуцлагаасаа бултах учиргүй; тасалдуулсан хэнийг ч бай Би тэр дор нь шийдвэрлэнэ! Өөрийгөө гойд сайн гэж бүү бод. Би чамд хэлж байна! Ийм байх тусмаа чи төдий чинээ хатуу шийтгэлийн минь бай болно! Ийм байх тусмаа найдвар чинь улам бүр тасарч, чи улам бүр мөхлийн хүү болох бөгөөд Би чамайг үүрд гэсгээнэ!

Бүх ажлыг минь Миний Сүнс биечлэн хийдэг бөгөөд төлөвлөгөөг минь сүйтгэхээс зайлсхийхийн тулд Би Сатаны төрлийн хэнийг ч болов хөндлөнгөөс оролцохыг зөвшөөрөхгүй. Эцэстээ Би хүүхэд, томчуулын аль алинд нь босож, Намайг болон ууган хөвгүүдийг минь магтаж, гайхамшигт үйл хэргийг минь магтаж, Миний үнэн биеийн илрэлтийг магтах боломж олгоно. Би магтаалын дууг бүхий л орчлон ертөнц болон газар дэлхийн зах хязгаар хүртэл цуурайтуулж, уул нурууд, гол мөрд, бүх зүйлийг доргиож, Сатаныг бүрэн шившиглэнэ. Би бузар, булай хуучин дэлхийг устгаж, ариун, бузартаагүй шинэ дэлхийг байгуулахад Өөрийн гэрчлэлийг ашиглана. (Нар, сар, одод, огторгуйн эрхэс ирээдүйд өөрчлөгдөхгүй гэж хэлж байгаа минь хуучин дэлхий оршсоор байна гэсэн үг биш, харин ч бүхий л дэлхий устгагдаж, хуучин дэлхий солигдоно. Би орчлон ертөнцийг солихгүй.) Зөвхөн тэр л үед энэ нь Миний хүсэлд нийцсэн дэлхий байх болно; үүн дээр өнөөдрийнх шиг дарлал, бас мөлжлөг гэх явдал байхгүй бөгөөд махан биеийн дотор тэр чигтээ голч шударга, зүй ёстой байх болно. (Хэдийгээр Би үүнийг голч шударга, зүй ёстой байна гэж хэлдэг ч, энэ нь махан биеийн дотор байх болно; Миний хаанчлалтай харьцуулахад энэ нь тэнгэр, газар мэт тун их ялгаатай бөгөөд үнэхээр харьцуулахын аргагүй—эцсийн эцэст, хүний ертөнц бол хүний ертөнц, сүнсний ертөнц бол сүнсний ертөнц юм.) Тэр үед Би ууган хөвгүүдийнхээ хамт ийм дэлхийг захирна (Сатаныг Би бүрэн хаясан байх учир энэ дэлхийд Сатаны хөндлөнгийн оролцоо гэж байхгүй байна), гэвч бидний амьдрал хаанчлалын амьдрал хэвээр байна, үүнийг хэн ч үгүйсгэж чадахгүй. Эрин үеүдийн туршид Миний ууган хөвгүүн болох хүн байгаагүй учир эрин үеүдийн туршид хүн (хэчнээн ч үнэнч байлаа гэсэн) энэ төрлийн амьдралыг хэзээ ч туулаагүй бөгөөд дараа нь тэд мөн л үйлчлэл үзүүлэгч байх болно. Хэдийгээр энэ үйлчлэл үзүүлэгчид үнэнч боловч эцсийн эцэст Миний байлдан дагуулсан Сатаны үр удам учир махан биеийн үхлийн дараа тэд бас л Надад үйлчлэл үзүүлэхээр хүний дэлхийд төрдөг; “хөвгүүд бол эцсийн эцэст хөвгүүд, үйлчлэл үзүүлэгчид бол эцсийн эцэст Сатаны үр удам” гэдгийн жинхэнэ утга учир энэ юм. Эрин үеүдийн туршид хэчнээн олон хүн өнөөдрийн ууган хөвгүүдийн төлөө үйлчлэл хийж байсныг бүү мэд; бүх үйлчлэл үзүүлэгчийн дундаас хэн ч зугтаж чадахгүй бөгөөд Би тэднээр Өөртөө үүрд үйлчлэл хийлгэнэ. Тэдний уг чанарын тухайд гэвэл бүгд Сатаны үр хүүхэд бөгөөд бүгд Намайг эсэргүүцдэг, Миний гар бүх зүйлийг хянадаг учраас хэдий тэд Миний төлөө үйлчлэл хийдэг ч, бүгд өөр сонголтгүй, албадуулдагтаа л тэр; Миний ашигладаг үйлчлэл үзүүлэгчид эцсээ хүртэл Надад үйлчлэл үзүүлэх ёстой. Иймд, эрин үеүдийн турш дахь эш үзүүлэгчид, элч нартай адил шинж чанартай хүмүүс өнөөдөр ч олон байдаг, учир нь тэд нэг сүнстэй юм. Иймд, Миний төлөө гүйдэг үйлчлэл үзүүлэгч олон хэвээр боловч, эцэстээ (зургаан мянган жилийн турш тэд Надад үйлчлэл үзүүлсээр ирсэн, иймээс энэ хүмүүс үйлчлэл үзүүлэгчдэд харьяалагдана) эрин үеүдийн турш тэр бүх хүний найдаж ирсэн зүйлийг хэн ч олж авч чадахгүй, учир нь Миний бэлдсэн тэр зүйл тэдэнд зориулагдаагүй.

Миний бүх зүйл аль хэдийн нүдний өмнө биелсэн; Би ууган хөвгүүдээ Өөрийн гэрт буцаан ирүүлж, Өөрийн хажууд эргүүлэн аваачиж, нэг дор цуглана. Би ялгууснаар эргэн ирж, алдар сууг бүрэн олж авсан учир та нарыг эргүүлэн аваачихаар ирж байна. Өмнө нь зарим хүн “ухаалаг таван охин, мунхаг таван охины” тухай таамаглал гаргасан; хэдийгээр энэ таамаглал яг зөв оновчтой биш боловч бас тэр чигтээ буруу биш, тиймээс Би та нарт зарим нэг тайлбар өгч болно. Ухаалаг таван охин болон мунхаг таван охины аль аль нь хүмүүсийн тоог төлөөлдөггүй, бас тус бүрдээ нэг төрлийн хүнийг төлөөлдөггүй. Ухаалаг таван охин гэдэг нь хэд хэдэн хүнийг хэлж, мунхаг таван охин нь нэг төрлийн хүнийг төлөөлдөг, гэхдээ энэ хоёрын аль нь ч ууган хөвгүүдийг хэлдэггүй, харин бүтээлийг төлөөлдөг. Эцсийн өдрүүдэд тэднээс тос бэлтгэхийг хүссэн нь ийм учиртай юм. (Бүтээл Миний чанарыг эзэмшдэггүй; хэрэв тэд ухаалаг хүмүүс болохыг хүсвэл тос бэлтгэх хэрэгтэй, иймээс тэд Миний үгээр зэвсэглэсэн байх хэрэгтэй.) Ухаалаг таван охин нь Миний бүтээсэн хүмүүсийн дундах Миний хөвгүүд, Миний ардуудыг төлөөлдөг. Газар дээр төрсөн мөртөө Надаар авхуулдаг учраас тэднийг “охид” гэж нэрлэдэг; тэднийг ариун гэж дуудаж болох тул “охид” гэж нэрлэдэг. Дээр дурдсан “тав” гэдэг нь Миний урьдчилан тогтоосон хөвгүүд, ардуудын минь тоог төлөөлдөг. “Мунхаг таван охин” нь үйлчлэл үзүүлэгчдийг хэлдэг. Тэд аминд өчүүхэн төдий ч ач холбогдол өгөлгүй, зөвхөн гадаад зүйлсийг хөөцөлдөн Надад үйлчлэл үзүүлдэг (Тэдэнд Миний чанар байхгүй учир юу ч хийсэн бай, тэр нь гадаад зүйл байдаг), бас тэд Миний чадварлаг туслагчид байж чаддаггүй учир “мунхаг охид” гэгддэг. Дээр дурдсан “тав” нь Сатаныг төлөөлдөг бөгөөд тэднийг “охид” гэж дууддаг нь Надаар байлдан дагуулагдаж, Миний төлөө үйлчлэл үзүүлэх чадвартай гэсэн утгатай—гэвч ийм хүмүүс ариун биш тул үйлчлэл үзүүлэгч гэж нэрлэдэг.

Өмнөх: 115-Р БҮЛЭГ

Дараах: 117-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

12-Р БҮЛЭГ

Бүх хүн анхааралтай байж, бүх зүйл шинэчлэгдэн, сэргэж, хүн бүхэн эргэлзэх юмгүйгээр Бурханд захирагдаж, Бурханы ачааны хүнд хариуцлагыг...

ТУРШЛАГЫН ТАЛААР

Туршлагынхаа явцад Петр хэдэн зуун шалгалттай тулгарсан. Өнөөдрийн хүмүүс “шалгалт” гэх нэр томьёог мэддэг хэдий ч түүний жинхэнэ утга учир...

21-Р БҮЛЭГ

Хүн Миний гэрлийн дунд унадаг бөгөөд Миний авралаас болж бат зогсдог. Намайг бүх орчлон ертөнцөд аврал авчрах үед хүн Миний сэргээн...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх